Жаш атлетчилерибизден жаңылык

Бишкек шаарынын мэриясынын Дене тарбия жана спорт, туризм жана жаштар иштери боюнча башкармалыгы тарабынан өткөрүлгөн шаардык жеңил атлетика боюнча мелдеште биздин мектептин командалары жеңишке жетишти.

16 команданын арасында балдар курамасы 2-орунду, ал эми  кыздар 4-орунду камсыз кылышты. Бул жыйынтыктар биздин спортсмендердин жан-дилин  берип, акырына чейин күрөшкөндүгүнөн кабар берет.

Аалы Токомбаева атындагы №24 мектеп-гимназиясынын администрациясы  жеңил атлетика командаларын бул жеңиш менен чын жүрөктөн куттуктайт. Аны менен катар бул сиздердин  чексиз энергияңыздардын, тартиптүүлүгүңүздүн жана кайраттуулугуңуздардын аркасында жетишилген эң сонун натыйжа экенин белгилейбиз.

Өз максатына жетүү үчүн бардык кыйынчылыктарды башынан өткөрүүгө даяр, чыныгы спортчу кандай болушу керектигинин мыкты үлгүсүн көрсөткөнүңүздөр шексиз.

Ошондой эле спортчуларыбыздын машыктыруучуларына жана ата-энелерине команданы мелдешке даярдоодо талыкпай эмгектенип, колдоо көрсөткөндүгү үчүн ыраазычылык билдиребиз.

Биз жеңил атлетика боюнча командаларыбыз менен сыймыктанабыз жана аларга мелдештин бардык деңгээлдеринде мындан ары да ийгиликтерди жана жеңиштерди каалайбыз. Биздин спортчулар мындан ары да өздөрүнүн жетишкендиктери менен кубандырып, чыныгы чемпион болушат деп ишенебиз.