Эр эсебин санаган «Эр Жигитте» алдыда!

2023-жылдын 24-апрелинде өткөн “Эр жигит” аскердик-патриоттук спартакиадасында биздин мектеп командасы 1-орунду ээледи.

Спартакиадага Бишкек шаарынын Биринчи Май районунун 15 билим берүү мекемесинин командалары катышты. Катышуучулар күжүрмөн, дене тарбия , ок атуучу куралдарды даярдыгын, аскердик тарыхтын теориялык аспектилерин жана патриоттук каада-салттарды сынаган түрдүү дисциплиналар боюнча ат салышты.

Запастагы полковник Марат Шайлообекович Абдыкадыров жетектеген бөлүм бардык дисциплиналар боюнча жогорку деңгээлдеги даярдык көрсөткүчтөрүн көрсөтүп, командалык эсепте биринчи орунду ээледи. Аскердик буйруктарды жана күжүрмөн элементтерди аткарууда жогорку ишенимди жана тактыкты, ошондой эле өз өлкөсүнүн тарыхын жана маданиятын терең билүүнү жана түшүнүүнү жаркын далилдик.

Команданын жеңиши биз жана жалпы район үчүн чоң сыймык. Бул жеңиш мектебибиздин окуучулары окууга гана эмес, өз мекенине кызмат кылып, анын кызыкчылыгын коргоого даяр экендигин далилдейт. Мындан тышкары, мындай аскердик иш-чаралар жаштардын физикалык жана адеп-ахлактык сапаттарын өнүктүрүүгө, алардын патриоттук жана  атуулдук сезимдерин калыптандырууга өбөлгө түзөт.

Жеңиштен кийин бөлүмдүн командири Ниязбеков Эмирхан Теңдиковичтин жетекчилиги астында баардык катышуучулар Биринчи Май районунун жетекчилигинин татыктуу сыйлыктарына жана алкыштарына ээ болушту. Бул мектептин окуучулары үчүн мындан ары да өз үстүндө иштөөгө, аскердик даярдыкты жана патриоттук иш-аракеттерди үйрөнүүдө жаңы бийиктиктерге жетишүүгө стимул болду.